Harak Kanâ
Harak Kanâ (petition)
Harei Chin Biai Gruk Champa 2017 bi-ndang (opening) di harei 25 bulan 11 thun 2017 di bhum San Jose, nagar California, Amerik hu sponsor mai mâng Internal Office Of Chama (IOC-Champa), Champa Culture Preservation Association, Champa Culture and Tradition Association, Council for the Social-Cutural Development of Champa, Cham Muslim Community of Santa Clara County, Council of Indigenous Peoples in Today’s Vietnam (CIP-TVN). Tanap gruk (objective) harei chin biai ni nan pieh pacan inâ ka gruk Urang Asal Champa (indigenous peoples) saong gruk bhap bini hai lac bhap ilimo Champa. Hadom urang parajak (experts) hu mbaok di harei chin biai ni mai mâng gru pataow bac di universiti, ndoktor (doctors), Ra-pan adat (lawyer) mai meng nagar Amerik, Prang, Lao, Malai jang yau hadom urang salih baok ka bhap paran Champa daok di Bhum Cek Glaong (Montagnards) hai lac Khmer Krom.
Nok di 1: Urang asal Cam, Cek Glaong saong Khmer Krom
Tuei sakkarai caik wek, pran Cam nan anâk bhap bani hu mbaok di nagar Champa mâng kal dahluw mai, bhian ba abih prân yawa pieh jah glai, nâh ribaong, rok hamu, padak padeng tanâk riya Champa mâng bhum Quang Binh tel bhum Dong Nai. Kayua patao bia Yuen peh jalan masuh matak paoh blah mâk nagar Champa, bhap bani Cam harei ni hadiip saong dua palak tangin saoh, oh hu adat hagait di ngaok hamu tanâh, cek glai krung muk kei caik wek. Tuei panuec jamji (declaration) mai meng Mengawom Nagar di ngaok Dun-ya (United Nations) tabiak di harei 13 bulan 9 thun 2007 krung ndem ka adat anâk manuis hu asal mai meng bhum bhaok muk kei nyu, anâk Cam nan paran asal (indigenous peoples) hu mbaok di nagar Champa, di njep megawom takik manuis (minority) mai meng aia lingiw krung rajakar (goverment) Yuen bhian ba tabiak pieh paceng mata urang.
Janâng salih mbaok (delegates) dalam harei chin biai 2017 kanâ rajakar Viet Nam taduel krân bhap pran Cam, Bhum Cek Glaong (Montagnard) saong Khmer Krom nan Paran Urang Asal (indigenous peoples) hu mbaok di tanâh aia Viet Nam harei ni.
Nok di 2: Bimong kalan, drap ar agama anâk Cam
Bimong Cam nan libik bhuktik yang labang anâk Cam Ahier dalam harei Katé, Ca-mbur, Yuer Yang, Peh Ba-mbeng Yang, .v.v. Tuei adat ca-mbat mâng kal caik wek, peh ba-mbeng bimong kalan njep tok tuei harei adat ca-mbat saong hu mbaok Po Adhia, Basaih, ong Camnei, muk Pajaw saong ong Kadhar pieh deng ngap adat. Hadei meng tuk wak ngap yang blaoh, ba-mbeng bimong njep karek thir wek. Oh thei khin peh ba-mbeng bimong Cam min di hu gaon mai meng Po Adhia hai lac halau janâng Cam Ahier.
Harei ni, rajakar Yuen pan akaok bhum Ninh Thuan saong Binh Thuan brei gaon peh ba-mbeng bimong kalan Cam yap harei yap malam pieh ngap seh buei ka urang khin tama rawang bimong kalan Cam, blaoh rik mâk jien pieh ka kawom bhap ilimo (local department of culture) Yuen, dalam tuk nan, anâk Cam Ahier kathaot ra-mbah njep tabiak jien padai brei drap ar pieh alin ka Po Yang. Hadom gruk ka-njah, duissak ni ngap ka paran Cam danuh glac min di thau ew padaong pak halei.
Janâng salih mbaok dalam harei chin biai 2017 kanâ rajakar Viet Nam njep bayar wek bimong kalan ka anâk Cam, brei ka bhap paran Campa gleng aiek tuei adat ca-mbat Cam.
Kadha di 3: Pataow akhar thrah dalam sang bac krung hu mbaok anâk Cam
Akhar thrah nan sa janih akhar wak krung anâk Cam pa-ndar pieh khik wek hadom krung krâc (heritage) bhap ilimo (culture) saong waris (civilization) Champa meng rai dahluw mai tel harei ni. Harei ni rajakar Viet Nam hu brei adat pataow akhar thrah Cam dalam sang bac asit (elementary school) pak bhum Ninh Thuan saong Binh Thuan. Min biak palai pajua ralo, hadom anâk tacaow Cam daok pak bal Ho Chi Minh hai lac bhum An Giang, Tay Ninh, v.v. oh hu bac akhar thrah krung akaok kei cek wek.
Janâng salih mbaok dalam harei chin biai 2017 kanâ rajakar Viet Nam brei adat pataow akhar thrah Cam dalam sang bac krung hu mbaok anak Cam, meng sang bac asit nao tel sang bac glaong (university).
Nok di 4: Luai rik jien bayar ka sang bac saong daong anâk séh Cam nao bac pak aia lingiw
Gruk bac da-a nan sa tanap (objective) praong pabha dalam harei chin biai gruk Champa 2017. Anâk Cam ralo urang kathaot ra-mbah, hu wal aek hu wal trei yau nan ye gruk raong anâk nao bac biak biak kan. Karei di nan, yap thun, ribuw ribuw anâk séh Yuen hu scholarship nao bac pak aia Amerik saong aia li-ngiw karei, dalam tuk nan, anâk tacaow urang asal (indigenous peoples) oh hu thei taduel hanim phuel ni. Pacan inâ mboh lac rajakar Viet Nam ka hu ba prân yawa pieh daong anak séh Cam dalam gruk bac da-a.
Janâng salih mbaok dalam harei chin biai 2017 kanâ rajakar Viet Nam luai rik jien bayar ka sang bac mâng sang bac asit tel sang bac glaong (university) saong padeng wek sa adat biak wajip (clearly) pieh ka anâk séh Cam, anâk séh Bhum Cek Glaong (Montagnards) hai lac Khmer Krom hu bhak batuah (opportunity) nao bac pak aia li-ngiw.
Nok di 5: Hak (rights) urang asal (indigenous peoples)
Janâng salih mbaok dalam harei chin biai Champa 2017 kanâ rajakar Viet Nam njep sanâng kahra wek, kayua lac 4 nok tuer tabiak dalam harak kanâ (petition) ni nan hak urang asal hu tuak dalam panuec jamji Mengawom Nagar di ngaok Dun-ya tabiak di harei 13 bulan 9 thun 2007 krung aia Viet Nam hu krung tangin di ngaok ba-ar ni, di njep khaol kawom padeng gruk di harei chin biai Champa 2017 ew buel bhap Champa deng tagok masuh matak ndok mâk wek tanâh aia Champa meng kal dahluw.
Thuk Siam,
Qasim Tu
Ginuer Kawom Padeng Gruk
Harei Chin Biai Gruk Champa 2017
